Без разлика каде живееме, во топла или студена клима, ќе сретнеме болни од сезонски и хронични болки во грбот.

За оние меѓу нас кои живеат на северот од Македонија, ова значи дека долгорочното пакување и преселување во Гевгелија нема да ни го реши проблемот – иако може да забележиме привремено олеснување! Со тек на времето, нашите тела се прилагодуваат на климата во која живееме, така што секоја промена на времето значи болки во грбот, без разлика на почетната температура или степенот на падот.

Спротивно на популарното верување, болките во грбот не произлегуваат од самото време.

Повеќето докази за временските услови кои влијаат на болките во грбот се анегдотски; научно, нема многу докази кои ги поврзуваат температурните промени со болките во грбот. Наместо тоа, научниците почнуваат да наоѓаат врски помеѓу промените во барометрискиот притисок и болката.

Барометриски притисок – или атмосферски притисок – е тежината на атмосферата околу нас. Барометрискиот притисок обично е незабележлив, но студеното, влажно време може да предизвика ненадеен пад на притисокот. Намалениот притисок предизвикува ткивата на телото да се шират и да ги притискаат зглобовите и структурите во грбот, и ќе препознаете дека притисокот паднал така што постојана болка во грбот ќе се врати.

Дополнително, вреди да се напомене дека променливите температури не предизвикуваат вистинска повреда на грбот!

Наместо тоа, зглобовите и/или лигаментите се веќе воспалени од некаква повреда, без разлика дали е неодамнешна или од порано. Дополнителниот оток од воспалението се шири над меките ткива и мембраните во и околу зглобовите. Потоа, кога барометрискиот притисок опаѓа, оваа течност што го опкружува зглобот се шири, со што ткивата и мембраните на телото се шират уште повеќе. Оваа верижна реакција значи дека нервните влакна за болка се иритирани – и одеднаш стануваме акутно свесни за болката во грбот.